Летен рецепт на Стефанија Несторовска: Медитеранска наут салата
Наутот е одличен извор на јаглехидрати и протеини. Тоа е мешунка што источните култури одамна ја препознаваат како многу вкусно растение. Бидејќи во летните денови ни треба полесна храна, Стефанија Несторовска има предлог за многу вкусен оброк салата.
Стефанија Несторовска, која стои зад инстаграм-профилот и блогот snestorovska.com обожава да јаде наут, а, денеска ни претставува друг начин на подготовка.
Состојки:
– 1 голема краставица, исечена на ситни коцки
– 5-6 шери домати, исечени на 4 половинки
– половина главица кромид, исечена на тенки кругови
– 3 ротквици, исечени на тенки кругови
– една китка магдонос, исечкан на ситно
– една шака свежо нане, исечкано на ситно
– 1 конзерва наут
За дресинг:
– сок од половина лимон
– 6 лажици маслиново масло
– 1 лажичка сол
– малку бибер
– 1 лажичка кимион (не КИМ)
– 1 лажичка оригано
* или микс зачини по избор, но не ги штедете зачините, оваа салата си бара зачинетост.
Начин на подготовка:
Откако ќе се исечка зеленчукот, се додава во голем овал.
Наутот од конзерва се премива со ладна, чиста вода, се процедува и тој се додава со другите зеленчуци.
Состојките за дресингот се мешаат во мал сад и се додаваат врз салатата. Сето тоа убаво се промешува за да се соедини.
Салатата може да се консумира веднаш, но најдобро е да се остави неколку часови за вкусовите убаво да се соединат.
Ова е една од ретките салати каде што можам топло да ви препорачам да ја оставите да „одлежи“ малку зошто навистина станува сè повкусна.
Може да стои во фрижидер до 2 дена, а и повеќе.