Градот Париз в понеделник, 8 јануари, ќе именува улица по музичката легенда Дејвид Боуви, прва во светот во чест на пејачот кој почина пред осум години.

Rue David Bowie, именувана по еден од највлијателните и најпродаваните музичари на 20. век, официјално ќе биде отворена во 13-тиот арондисман на Париз на левиот брег на градот, пишува Хина.

Ничие име нема да мора да се отстрани за да се направи простор за Боуви, бидејќи улицата неодамна беше создадена во склоп на големата обнова на населбата.

Улицата долга околу 50 метри, на урбанистите од претходно им била позната по работниот назив VoieDZ/13. Нема информации дека Боуви има своја улица на кое било друго место во светот.

Боуви, кој почина на 10 јануари 2016 година од рак, ќе го прославеше својот 77 роденден в понеделник, 8 јануари. Париз одигра помалку важна улога во животот на Боуви од Лондон, Берлин и Лос Анџелес, но француската авангардна театарска култура влијаеше на неговиот визуелен стил.

Боуви сè уште има култно следбеништво во Франција, каде што фан-клубовите како „Боуви Франс“ продаваат артикли, организираат концерти и конвенции кои привлекуваат илјадници луѓе и каде ковер бендот „Боуви рилодед“ (Bowie Reloaded) полни дури и големи сали со носталгични обожаватели.

Иман се сеќава на својот покоен сопруг Дејвид Боуви: Никогаш повеќе нема да се омажам

Скапоцена архива: Над 80.000 предмети на Дејвид Боуви ќе бидат претставени на изложба во Лондон