Ракометарите на Македонија денес забележа убедлива и очекувана победа против Луксембург со 38:24 во квалификациите за Европското првенство во 2024 година.

Сепак и покрај победата селекторот Кире Лазаров не е во целост задоволен од она што го одиграле ракометарите. Како што кажа Лазаров второто полувреме било искористено за тренинг, меѓутоа се случиле грешки какви што не смеат да се случуваат во иднина.

„Им честитам на моите ракометари за победата и нивниот однос кон натпреварот. Тешко е да се одржувате мотивирани кога водите со 11 гола разлика, бев играч и го рабзирам тоа. Во второто полувреме ритамот падна, се обидовме да го искористиме за тренинг, но направивме грешки какви што не смеат да се случуваат во иднина“, изјави Лазаров.

Според Лазаров, натпреварот против Турција ќе биде најважниот во квалификациите.

„Во Турција одиме за три дена и според мене тој натпревар е најважен во квалификациите. За мене чест и задоволство е да водам ваква екипа која има простор да напредува во иднина“, изјави Лазаров.

Ќе потсетиме заедно со нас во група покрај Турција и Луксембург е и селекцијата на Португалија.