Лапорта до навивачите на Барса: Останете смирени, знаеме што треба да направиме

Жоан Лапорта најави дека е можно да биде поднесена кривични пријава против поранешната управа на Барселона/ Барселона, Шпанија,/фото: EPA-EFE/Alejandro García

Претседателот на Барселона, Жоан Лапорта ги повика навивачите да останат со тимот, кој, според него, во моментов се наоѓа во тешка ситуација.

Каталонскиот клуб лошо ја започна новата сезона, без Лионел Меси, поради што на големо се најавува заминување на тренерот Роналд Куман.

Навивачите не се задоволни од моменталната ситуација, но првиот човек на клубот ги повика да бидат трпеливи и да продолжат да ја поддржуваат екипата.

– Ве повикувам да продолжите да го поддржувате нашиот тим. Знаете дека поминуваме низ тешки моменти, затоа треба да останете со нас.

Ќе се обидеме да победиме против Кадиз. Не знам што ќе се случи, но без оглед на тоа, продолжете да го поддржувате тимот и против Леванте. Останете смирени, знаеме што треба да направиме – рече Лапорта.

Каталонците во понеделникот ги поделија бодовите со Гранада (1:1), а во првите четири натпревари во шпанската „Ла Лига“ забележаа две ремија и две победи, додека претрпеа убедлив пораз од Баерн во Лигата на шампионите.

Куман е во добитна позиција, Барселона ќе му исплати милиони евра доколку го отпушти или не му го продолжи договорот

Видео на денот