Летниот период е вистинско време да повнимавате на вашата исхрана и да се обидете да јадете здрава и лесна храна. Овој рецепт за ладна летна супа е сѐ што ви треба за ваков лесен и освежителен оброк. За ова јадење нема да треба да го вклучите шпоретот или рерната, ќе ви требаат само неколку зрели плодови и блендер.

Состојки:
1 краставица
1 црвена пиперка
1 зелена пиперка
1 кг домати
2 чешниња лук
2 млади кромидчиња
75 г стар бел леб
2 лажици јаболков оцет или балсамико
тостиран леб по желба за сервирање

Подготовка:
Краставицата излупете ја и исечете ја на парчиња, исчистете ја пиперката од семките и исечкајте ја, доматите исечкајте ги на парчиња, лукот исцедете го, младиот кромид ситно исечкајте го, стариот леб исечкајте го на парчиња.

Ставете сè во поголем сад, добро зачинете со сол и бибер, оцет и маслиново масло. Добро измешајте и оставете да отстои барем половина час, или преку ноќ.

Сè ставете во блендер и мешајте додека смесата не се изедначи. Вкусете и зачинете по потреба.

По потреба дополнително изладете ја супата во фрижидер или послужете со коцки мраз, посипете со малку сечкан босилек, уште малку маслиново масло.

Можете да послужите со тостиран леб кој можете да го загреете на тавче и пред послужување да премачкајте го со маслиново масло и зачини по желба.