Квалификации за ЛШ: Слован со пресврт до триумф над Ференцварош
Екипата на Слован Братислава славеше на гостувањето кај унгарскиот шампион Ференцварош со 2:1 и тоа со пресврт.
Унгарскиот тим поведе со 1:0 во 70 минута и тоа со голот на Захаријасен, но гостите во финишот успеаја да направат пресврт. Прво Кашиа во 81 минута израмни на 1:1, а седум минути подоцна Баргесијан му донесе триумф на Слован.
Победа на гостински терен оствари и Викторија Плзењ на гостувањето кај Хелсинки со 2:1. Чешкиот тим поведе во шестата минута со голот на Чори од пенал. Хелсински во 50. минута израмни Радуловиќ, но седум минути подоцна Копич погоди за 1:2.
Останатите три вечерашни натпревари во квалификациите за пласман во Лигата на шампионите, завршија без победник. Макаби Хаифа и Олимпијакос одиграа 1:1, додека на дуелите меѓу Динамо Киев – Фенербахче и Марибор – Шериф немаше голови.
Резултати:
Хелсинки – Викторија Плзен 1:2
Макаби Х. – Олимпијакос 1:1
Динамо К. – Фенербахче 0:0
Ференцварош – Слован Братислава 1:2
Марибор – Шериф Т. 0:0