Курти в петок во Тетово и во Чаир, Касами организира забава, Меџити ќе информира за новата партија
Косовскиот премиер Албин Курти во петок ќе ги посети Тетово и скопски Чаир, како гостин гостин на градоначалниците Биљал Касами и Висар Ганиу.
Според најавите, за време на престојот во Тетово, по разговорите во Општината Касами и Курти ќе го посетат селото Вејце и ќе ја промовираат идејата за поврзување на Тетово и Призрен со регионален пат, по што следува забава. На централниот плоштад Илирија ќе се одржи културно забавна манифестација посветена на доаѓањето Курти, на која што ќе учествуваат повеќе актери и музичари.
Во Чаир, пак, предвидено е косовскиот премиер да се сретне со градоначалникот Висар Ганиу, но и со Изет Меџити како основач на новата политичка партија „Демократско движење“. Со Ганиу ќе ја отворат улицата која го носи името на албански патриот и деец Адем Демачи, додека со Меџити ќе разговараат за политичките случувања во земјава, со акцент на активностите кои ги предвидува политичката партија која по заминувањето од ДУИ ја формира нивниот поранешен потпретседател.