Жељко Комшиќ, кој ја презеде должноста на претседавач на Претседателството на БиХ, изјави дека никогаш нема да се остварат целите што ги изнесе министерот за внатрешни работи на Србија, Александар Вулин за „создавање на српски свет“.

„Никогаш нема да бидат остварени соништата на кафекуварката на Мира Марковиќ“, изјави Комшиќ за Вулин на Н1 Сараево.

Вулин пред два дена на собир по повод 13-годишнината од Движењето на социјалистите чијшто лидер е самиот, рече дека задачата на оваа генерација политичари е создавање на српски свет – што ќе ги обедини Србите секаде каде што живеат. Тој го повика претседателот на Србија Александар Вучиќ да ја преземе улогата на претседател на сите Срби.

Министерката за надворешни работи на БиХ, Бисера Турковиќ, побара од Вучиќ да се огради од оваа изјава на Вулин.