Клоп и Пеп се толку различни, а во исто време и најдобри тренери во светот
Фудбалерот на Манчестер сити, Илкај Гундокан смета дека дека Јирген Клоп и Пеп Гвардиола се различни типови на тренери но имаат нешто заедничко – тие се најдобри на светот.
Германскиот репрезентативец четири години работеше заедно со Клоп во Борусија Дортмунд, а од 2016 година во Манчестер сити соработува со Гвардиола.
– Клоп и Гвардиола се двајцата најдобри тренери на светот. Четири години играв кај Клоп и тоа е тренер кој го сакам. Знае како да создаде неверојатен тимски дух и знае како да ги мотивира своите фудбалеи. Што се однесувца до тактиката, Пеп е неверојатен, тој сака да го знае секој детал од играта. Не сум видел тренери кои тактички се обидуваат да дојдат до совршенство. Имаат различни стилови, но и двајцата се многу успешни. Иако се толку различни, тие се најдобри на светот – вели Гундокан.
Премиер лигата по пауза од три месеци, на 17. јуни продолжува и до крајот треба да се одиграат девет кола.
