Клоп е тренер на годината, сер Алекс ќе му прости за една работа
Менаџерот на Ливерпул е прогласен за најдобар тренер во Премиер лигата за сезоната 2019/20 во изборот на тренерската асоцијација.
Одлуката дека Јирген Клоп ќе биде прогласен за најдобар во Премиер лигата е очекувана, Германецот по 30 години пауза му ја донесе титулата на Ливерпул, а тоа го стори дури на седум кола до крајот и сосема заслужено го добива трофејот кој го носи името сер Алекс Фергусон.
“I’ll forgive you for waking me up at half three in the morning to tell that you’d won the League”
Just Alex Ferguson announcing Jürgen Klopp as the LMA Manager of the Year ?♂️pic.twitter.com/9OdMwMoO73
— The Anfield Wrap (@TheAnfieldWrap) July 27, 2020
– Јиргене фантастично. Го заслужи ова, игрите на твојата екипа беа неверојатни. Ќе ти простам за тоа што ме разбуди во 3.30 часот наутро за да ми кажеш дека ја освои титулата – му порача легендарниот менаџер на Манчестер јунајтед.
Воодушевувањето не го криеше ниту самиот Клоп.
– Посебно ми е мило што оваа награда го носи името на човекот на кој му се воодушевувам. Тоа дава посебно чувство, како и податокот дека ова е избор на колегите. Задоволство е да се биде во друштво на сите менаџери на Ливерпул кои ја освојувале оваа награда како Бил Шенкли, Боб Пејсли, Џо Фаган, Кени Далглиш и последниот Брендан Роџерс – истакна 53-годишниот Германец.
?”The name is Sir Alex and I know it is not appropriate as Liverpool manager but I admire and love him, he was like meeting the pope” ?
Jurgen Klopp on winning LMA manager of the year. #LFC pic.twitter.com/0RXSYajiJ7
— TheKop.com (@TheKop_com) July 27, 2020
