Американскиот рапер Канје Вест тврди дека тој бил погрешно дијагностициран со биполарно растројство.

Раперот се врати на Твитер откако неколку дена беше блокиран на оваа социјална мрежа поради неговите проблематични објави.

Tој објави порака која ја добил од неговиот поранешен соработник Харли Пастернак.

„Постојат неколку начини на кои можам да ти помогнам. Прво, јас и ти ќе седнеме и ќе имаме пријатен и отворен разговор, но ти нема да користиш пцовки. Сѐ за што ќе зборуваме ќе биде засновано на факти, а не на некои лудости кои ти ги кажувал твојот глупав пријател или нешто што си го видел на Твитер. Второ, ќе те затворат во психијатриска установа, каде што ќе те ‘наклукаат’ со лекови и засекогаш ќе се вратиш во Зомбиленд. Поминувањето време со децата повеќе никогаш нема да биде исто“, му напишал Пастернак.

Раперот напиша дека е „воспитан да се залага за вистината, без оглед на последиците“.

„Ќе повторам уште еднаш – јас бев погрешно дијагностициран и дрогиран за да ме контролираат и да бидам јавна личност која се однесува добро“, вели тој.

What should be obvious by now is that I was raised to stand for my truth regardless of the consequences

So I will say this again I was mentally misdiagnosed and nearly drugged out of my mind to make me a manageable well behaved celebrity pic.twitter.com/3kRuxoLcts

— ye (@kanyewest) November 3, 2022