Завршија и натпреварите од последното 30 коло во Втората македонска фудбалска лига, Каменица Саса одигра нерешено без голови (0:0) на гостински терен против Пелистер.

После ова реми фудбалерите на Каменица Саса се изборија за директен опстанок во 2МФЛ.

Пехчево Скопје ја совлада екипата на Беса 1976 со 2:0, но на крајот не обезбеди ни опстанок ни бараж бидејќи Тетекс славеше со 3:4 кај Арсими. Тетекс во баражот за опстанок во 2МФЛ ќе игра со еден од третолигашите.

Од Втората лига испаднаа екипите на Пехчево Скопје, Слога Виница и Борец. Од претходно е познато дека Воска Спорт и Гостивар од следната сезона ќе играат во Првата лига, а за влез во елитата преку бараж ќе се бори Вардар против Скопје.

Втора македонска фудбалска лига, 30 коло

Сабота, резултати –

Арсими – Тетекс 3:4
Борец – Воска Спорт 1:7
Детонит Плачковица – Слога Виница 2:1
Караорман – Гостивар 0:2
Кожуф Гевгелија – Вардар 3:1
Пехчево Скопје – Беса 1976 2:0
Охрид – Беласица 3:0
Пелистер – Каменица Саса 0:0

Табела: Воска Спорт 75 бодови, Гостивар 73, Вардар 63, Пелистер 58, Детонит Плачковица 50, Беса 1976 48, Охрид 41, Арсими 40, Кожуф Гевгелија 36, Беласица 35, Караорман 34, Саса 31, Тетекс 31, Пехчево Скопје 30, Слога Виница 25, Борец 2.