Во саботата во својот втор натпревар од квалификациите за пласман на следното Европско првенство, македонската машка кадетска ракометна репрезентација загуби минимално од Швајцарија со 27:26.

Во текот на целиот меч швајцарските надежи ја одржуваа предноста воглавно од три-четири голови разлика, а на паузата имаа предност од 15:10 во салата „Автокоманда“ во Скопје.

Со сите сили нашата селекција во текот на второто полувреме се обидуваше да го избегне поразот, но на крајот ривалот се радуваше на триумфот кој им донесе пласман на континенталниот собир.

А таму може да се најде и Македонија, со триумф в недела од 15.00 часот против Косово. Претходно во првиот меч од второто коло Словачка славеше против Косово со 33:22.

На денешниот меч против Швајцарија најефикасен во редовите на македонската репрезентација беше Митев со шест голови, по пет имаат Ристевски и Пецаноски.