Јавниот обвинител во текот на денешниот ден ќе вложи жалби на одлуката на судијата на претходна постапка од Основниот кривичен суд Скопје со која беше одбиен предлогот за определување мерка притвор за четворица осомничени за кривично дело – Загрозување на безбедноста на воздушниот сообраќај и им беа определени мерки на претпазливост.

Судот им одреди мерки на претпазливост на напаѓачите што упаднаа во радарската кула на М-НАВ

Судот синоќа одреди мерки на претпазливозт за Беким Незири и уште тројца напаѓачи во радарската кула на М-НАВ.

ВИДЕО ТЕЛМА: Напаѓачите на контролорите за летање донесени со лисици на рацете пред Кривичен суд

„Судија на претходна постапка при Основниот кривичен суд Скопје, постапувајќи по предлог на Јавниот обвинител за определување мерка притвор против 4 лица кои вечерва беа спроведни во судот, а осомничени за кривичното дело Загрозување на безбедноста на воздушниот сообраќај од чл. 303 ст.2 вв со чл. 22 од КЗ, по произнесување на обвинителот и осомничените во однос на предлогот, донесе решенија со кои на сите четири лица им се опредлуваат мерки за претпазливост“, велат од Кривичен суд.

Контролорите на летање добија поддршка од Делегацијата на ЕУ во Македонија

Струковиот Синдикат на контролорите на летање – ССКЛ најави дека доколку Владата во вторник не ги разреши директорите на М-НАВ, в среда ќе стапат во штрајк со затворање на воздушниот простор.