Женската А репрезентација на Македонија со двата последни натпревари во септември ќе ги завршат квалификациите за пласман на Светското првенство што ќе се одигра во Австралија и Нов Зеланд 2023 година.

На тренинг центарот „Петар Милошевски” – Скопје, на 1 септември (петок) нашите најдобри фудбалерки ќе ја пречекаат Летонија, а натпреварот почнува од 16.00 часот.

Во вториот меч од септемвриските квалификации на 6 септември од 20.30 часот ќе им гостуваме на Австријките.

Одамна ги загубивме шансите за учество на Мундијалот, по осум одиграни кола Англија е на врвот со 24 бодови, пред Австрија (19), Северна Ирска (13), Луксембург (9), Македонија (3) и Летонија (3).

Тренинг базата на нашата женска селекција е во хотел Истатов, Нов Дојран. Селекторот Кирил Изов за двете квалификациски средби, ги повика следните фудбалерки:

Голмани: Магдалена Лекоска (Љуботен), Викторија Панчурова (Тиверија);

Одбрана: Драгана Костова (Каменица Саса), Павлинка Николовска (Каменица Саса), Елена Петровска (Љуботен), Викторија Недева (Тиверија), Ана Милчевска (Истатов Кул), Теодора Ѓорѓиевска (Истатов Кул), Христина Јошевска (Љуботен), Јулија Живиќ (Сплит);

Среден ред: Александра Јовановска (Истатов Кул), Мила Талевска (Каменица Саса), Ленче Андреевска (Каменица Саса), Марјана Нацева (Борусија Дортмунд), Теа Божиновска (Ријека), Хава Мустафа (Шкендија), Александра Марковска (Скопје), Наташа Андонова (Леванте), Елма Шемсовиќ (Каменица Саса);

Напад: Оливера Цоклеска (Ас Јунајтед), Улза Максути (Ас Јунајтед), Бојана Петкова (Истатов Кул), Салији Шкипе (Хесен Мулхајм. Германија), Гентјана Роки (Купс, Финска);