Во вторникот, 17. декември во галеријата „Акантус“ во Скопје беше отворена групната изложба насловена како „Slowscapes“. Македонските модни брендови „Арма“, „Петел Паун“, „Лудус“, „Марта Пејоска“, „Нина Нине“, „Кактус“, Јована Филиповиќ и Ивана Секуловска (Factory Girl) ги понудија на продажба своите најнови колекции во амбиент пригоден за престојните празници.

Ова е трето издание на изложбата курирана од Драган Христов кој стои зад брендот „Лудус“ и сега веќе прераснува во познато место на скопската публика каде најдобрите македонски дизајнери за прв пат ги претставуваат новите колекции за актуелната сезона. Внимателната селекција на брендови кои го застапуваат “slow fashion” движењето кај нас и се спротиставуваат на модната индустрија ќе биде надополнета овој пат со неколку нови брендови што исто така имаат одговорен и еколошки пристап во работата.

Изложбата ќе биде отворена до сабота 21 декември.