Излезе „Културен печат“ број 218 во весникот „Слободен печат“
КУЛТУРЕН ПЕЧАТ број 218, во печатеното издание на весникот „Слободен печат“ (17-18.02.2024), во својот стандарден формат на осум страници меѓу содржините од областа на уметноста и културните настани има:
– интервју со Владимир Мандичевски Манде, генерален менаџер на „Баги комуникации“ и автор на книгата „Јас пратеник“: Не сум „нов“ во пишувањето, но за првпат објавувам книга
– разговор со писателката Фросина Пармаковска: Моите романи секогаш се раѓаат од главните ликови
– средба со вокалната солистка Евгенија Здравевска, попозната како Зарина Првасевда: Секогаш се потпирам на сопствениот погон
– мини-фестивалот „Светско, а наше – Саботи на светска музика“ ќе се одржи во „Паблик рум (Јавна соба)“ во Скопје
– изложбата на плакати „Визуелни рефлексии“ од Лазе Трипков е поставена во Уметничката галерија при НУ Музеј Куманово: Уникатна визуелна естетика со повеќеслојни симболички значења
– изложба на новопримени автори во членство на ДЛУМ е поставена во галеријата во Домот на Армијата во Скопје
– изложбата на архитектонски студија (ИАС’23) е отворена на Архитектонскиот факултет во Скопје
– во галеријата „Метаноја“ во Скопје е поставена изложбата „Патина на љубовта“ на скулпторот Синиша Новески
– независниот театар „Златен Елец“ влезе во четвртата година од своето постоење
– Општина Крива Паланка ќе биде организатор на манифестацијата „Град на културата“ во 2024 година
– издавачкиот центар „Три“ го промовираше романот „Бела Сама“ од истакнатата македонска авторка Виолета Танчева-Златева
– Францускиот институт во Скопје и издавачките куќи „Или-или“ и „Бункер“ организираа промоција на македонските преводи на француските дела „Идис“ од Робер Бадентер, во превод на Гзиме Старова, и „Везење“ од Марџан Сатрапи, во превод на Јоана Хаџи-Лега Христоска
– издавачката куќа „Антолог“ од Скопје го најави излегувањето од печат на книгата „Куќа на духови“ од Изабел Аљенде.