Излезе „Културен печат“ број 190 во весникот „Слободен печат“
КУЛТУРЕН ПЕЧАТ број 190, во печатеното издание на весникот „Слободен печат“ (5-6.8.2023), во својот стандарден формат на осум страници меѓу содржините од областа на уметноста и културните настани има:
– интервју со писателката Јулијана Величковска: Понекогаш ми се чини дека не живеам во реалноста
– разговор со сликарот Михаил Корубин: Мемориска архива на чувства, идеи и инспирации
– документарниот филм „Тело“ на Петра Селишкар ќе се бори за „Срцето на Сараево“ со светската премиера во официјалната програма на 29. Сараево филм фестивал
– стотина европски анимирани филмови ќе бидат прикажани на четвртото издание на „Флипбук филм фестивал“
– во Галичник се одржува четвртото издание на „Галичник филм фестивал“ со мото „Вдишете ја магијата на филмот!“
– во Атина започна снимањето на долгометражниот игран филм „Ритам на животот“, каде копродуцент е и „Круг филм“ од Скопје
– Фестивал на алтернативна фотографија „Зрно“: Споделување на страста кон благородните фотографски процеси
– македонските уметници Пандора Апостолоска Саздовска и Сашо Саздовски ќе одржат предавања во Јемен
– поетската награда „Браќа Миладиновци“ на СВП ја доби поетот, писател, книжевен преведувач и издавач Димитар Башевски
– романот „Тишина“ од Јелена Никодиноска Чаповска е новиот наслов што излезе во издание на „Паблишер“
– издавачот „Македоника литера“ го објави романот „Русинката“ на познатиот романски писател Џиб Михаеску.