ИЗГАСНАТ ПОЖАРОТ НА РУЗВЕЛТОВА: Си го запалиле станот додека готвеле
Пожар избувна денеска во стан на петти кат во зграда на улицата „Рузвелтова” во Скопје. Со брза интервенција на пожарникарите пожарот целосно е изгаснат, изјави командантот на Територијалната противпожарна бригада на Град Скопје, Владимир Симоновски.
– Во 13:30 часот добивме дојава за пожарот. Интервенирано е со пет противпожарни возила со 15 пожарникари. Пожарот е комплетно изгаснат во 14 часот, рече Симоновски.
ПОЖАР НА РУЗВЕЛТОВА: Се запали стан над кафулето Рузвелт (ВИДЕО)
Според првичните, неофицијални информации огнот избувнал поради невнимание при готвење и брзо се проширил во кујната, па и низ целиот стан.
Противпожарната екипа успеала да спречи огнот да ги зафати и останатите станови во зградата.
Станот во кој се интервенираше е изгорен, а официјалните причини за настанување на пожарот ќе се знаат откако ќе биде завршен увидот на терен