Издадено предупредување: Непознат број на крокодили побегнаа од одгледувалиште во Ј. Африка
Непознат број на крокодили е на слобода, откако побегнаа од еднно одгледувалиште во Јужна Африка, изјавија денеска претставници на владината агенција за зачувување на биодиверзитетот, „Кејп Нејчр“.
Младите крокодили долги меѓу 1,2 и 1,5 метри побегнале преку жичена ограда во близина на градот Бонивале во покраината Вестерн Кејп, изјави Петро ван Рин, портпаролка на владината агенција, за агенцијата ДПА.
„Кејп Нејчр“ ги предупреди жителите да не се доближуваат до реката Бри додека не бидат заловени сите крокодили.
– Очигледно се опасни, многу опасни. Тие се диви животни, иако биле држени под контртола. Луѓето не смеат да им приоѓаат и треба да останат настрана од реката, сè додека не бидат фатени, рече Ван Рин.
Веднаш е почната масовна потрага и досега се пронајдени 27 крокодили додека непознат број сè уште е во „бегство“.