Не секоја жена или девојка може да ја поднесе болката и топлината на восокот за интимна депилација во бикини делот, а има и такви кои треба да го избегнуваат овој метод на отстранување влакна.

За нив преостанува само бричењето, кое може да предизвика непријатни црвени точки, чешање и крварење. Но, тоа може да се избегне доколку правилно се применува бричот.

Еве кои се 5-те најчести грешки во оваа ситуација:

Бричење пред туширање

Размислете дали го правите ова. Попаметно е да се бричите на крајот од туширањето, кога влакната се омекнати, кожата хидрирана, а фоликулите отворени. Со ова се избегнува непријатното враснување на влакната.

Не правите пилинг

Отстранувањето на мртвите клетки од површинскиот слој на кожата е клучно за успешно отстранување на влакната со брич. Доколку не го направите тоа, жилетот ќе се наполни со честички од површинскиот слој и побрзо ќе се потроши.

Користите обичен лосион за тело

Вашиот хидратантен лосион за тело, колку и да ви одговара на кожата, не треба да го нанесувате на препоните и интимата. Набавете смирувачка крема или гел наменети за таа зона.

Бричење „на суво“

Можеби ова решение ви изгледа како брзо и ефикасно, но за кратко ќе сфатите дека освен што сте ги отстраниле влакната, сте ја гребеле и кожата и сте ја иритирале. Затоа, отстранувањето на влакната не го оставајте за последен миг.

Веднаш облекувате секси долна облека

Неколку дена по депилацијата носете само памучни гаќички. Синтетиката и тантелата оставете ги за понатаму, откако кожата ќе се смири.