Иванка Трамп, ќерката на поранешниот американски претседател Доналд Трамп, се пофали на социјалните мрежи дека конечно се вакцинирала против коронавирусот.

„Денеска ја примив својата доза. Се надевам дека и вие истото ќе го направите. Благодарност до медицинската сестра“, напишала Иванка.

Иванка се вакциниралаа со вакцината „Фајзер“ во Мајами, Флорида, каде што во моментот живее со сопругот Џеред Кушнер, а втората доза ќе ја прими за неколку недели.

 

View this post on Instagram

 

A post shared by Ivanka Trump (@ivankatrump)

Таа го направи тоа откако вакцината „Фајзер“ ги исполни сите услови во нејзината држава и има целосна доверба во нејзината ефикасност – рекол портпаролот.

Иванка добила можност да се вакцинира во текот на престојот во Белата куќа, но таа сакала да почека додека не дојде нејзиниот ред.

 

View this post on Instagram

 

A post shared by Ivanka Trump (@ivankatrump)

Здравствените експерти изразија загриженост за бројот на луѓе кои се двоумат околу вакцинирањето, а многу од нив се приврзаници на поранешниот претседател Доналд Трамп, пишуваат странските медиуми.

Меѓутоа, медиумите во март напишаа дека Доналд Трамп и неговата сопруга Меланија се вакцинирале против коронавирусот уште во јануари, додека сѐ уште биле во Белата куќа.