Воените и полициските власти запленија 116 тони кокаин во седмата фаза на Орион, мултинационална поморска операција во која учествуваа 38 земји, објави во вторникот колумбискиот претседател Иван Дуке.

За време на седмата фаза од операцијата за борба против дрогата, од 15 мај до 30 јуни, беа фатени 539 лица од различна националност, додека 69 бродови, три подморници и пет авиони беа исклучени од акцијата, покажуваат податоците на колумбиската влада.

Во операцијата беа вклучени воени бродови, бродови на крајбрежната стража, авиони и хеликоптери, а беа запленети 95 тони марихуана.

Од почетокот на операцијата Орион во 2018 година, меѓународната коалиција заплени повеќе од 400 тони кокаин и 158 тони марихуана, според колумбиската морнарица.

Германија, Аргентина, Јамајка и Мексико учествуваа, меѓу другите земји, во последната фаза од операцијата.