Шансите за пренесување на индискиот сој на Ковид-19, позната како Делта варијанта, се за 60% поголеми од оние на британскиот сој или Алфа варијантата, велат од Англиското јавно здравство.

Велика Британија во моментов се соочува со нови големи бројки на ковид-19, од кои повеќе од 90% се од индискиот сој, пренесува Скај Њус.

Од почетокот на минатата недела бројките на делта варијантата во Британија пораснаа за 243%, изнесувајќи 24,323 нови случаи. Во измината недела се пријавени 96,800 случаи на ковид-19 во Англија.

Според новото истражување на Англиското здравство, вакцините „Фајзер“ и „Астра-Зенека“ се помалку ефективни против Делта варијантата, но кажаа дека примањето на втората доза е задолжително за заштитување од индискиот сој.

Од 7ми Јуни потврдени се 42 смртни случаи во Англија од Делта варијантата, од кои 23 биле невакцинирани, седум ја примиле првата доза, а 12 ги имале примено двете дози.