Ова меѓународно тело објави дека неколку држави пријавиле злонамерни програми  (malware), напади врз влади, како и на болничката и медицинска инфраструктура, кои веќе се во големи проблеми поради здравствената криза предизвикана од коронавирусот.

Полициските истраги покажуваат дека повеќето напаѓачи ја оценуваат многу прецизно максималната сума која може да ја бараат од нападнатите компании и организации, соопшти Интерпол.

„Кибер криминалците ги развиваат и ги засилуваат нападите со алармантна брзина, користејќи го стравот и несигурноста која е предизвикана од социјалната и економската ситуација создадена од ковид-19“, предупреди главниот секретар на Интерпол Јурген Сток.

Организацијата објави дека ќе следува натамошно зголемување на стапките на кибернетичкиот криминал „многу веројатно и во блиска иднина“, посебно поради ранливоста која ја предизвика работата од дома.

Неточните информации за ковид-19 исто така се причина за растечката загриженост во повеќе од 20 отсто од земјите кои одговараа на истражувањето за кибер криминал, додава Интерпол.