Играчите на Реал, Модриќ и Марсело позитивни на ковид-19
Денеска Реал Мадрид ја информираше јавноста дека двајца фудбалери на „кралскиот“ клуб се позитивни на ковид-19.
Играчот од средниот ред на Реал и капитен на хрватската фудбалска репрезентација Лука Модриќ и бразилскиот лев бек Марсело добија позитивен тест за коронавирус.
Од Реал наведуваат дека и двајцата се во самоизолација и дека најверојатно ќе ги пропуштат натпреварите против Кадиз и Атлетик Билбао
„Кралевите“ се моментно првопласирани во шпанската „Ла Лига“ со 42 бодовуи, осум повеќе од второпласираната Севиља. Во тамошното првенство Модриќ има 12, а Марсело само три настапи.
Исто така во понеделникот Реал објави дека во нивниот кошаркарски тим се позитивни тренерот Пабло Ласо и играчот Томас Ертел.
Official Announcement#RealMadrid
— Real Madrid C.F. 🇬🇧🇺🇸 (@realmadriden) December 15, 2021