Полицијата на Нов Јужен Велс го идентификуваше напаѓачот кој избоде шест лица до смрт во прометниот трговски центар во Сиднеј пред да биде убиен од полицајка, велејќи дека тоа не е терористички чин.

Полицијата денеска соопшти дека Џоел Кочи (40) е одговорен за нападот во трговскиот центар Вестфилд во Бонди Џанкшн во саботата, недалеку од светски познатата плажа Бонди.

Почина мајката на повреденото дете во нападот во трговскиот центар во Сиднеј

Помошникот на полицијата во Нов Јужен Велс, Ентони Кук, на прес-конференција изјави дека Кочи страда од неодредени проблеми со менталното здравје и дека нападот не се третира како терористички чин.

„Продолжуваме да работиме на профилирање на сторителот, но во оваа фаза е многу јасно дека тоа е поврзано со менталното здравје на сторителот“, рече Кук.

Нападот во трговскиот центар, еден од најпрометните во земјата, се случи околу 15 часот по локално време.

ФОТО | Мајка и бебе меѓу избодените во трговскиот во Сиднеј

Во нападот загинаа шест лица – пет жени и еден маж, на возраст меѓу 20 и 55 години, а 12 повредени се пренесени во болница, меѓу кои и 9-месечно дете, чија мајка починала за време на нападот.

Две од шесте жртви се од странство и немаат семејство во Австралија, рече Кук во неделата.

Премиерот Ентони Албанес рече дека полицајката која го уби напаѓачот „е херој кој спасил уште многу животи со своите постапки“.

„Прекрасна инспекторка која се стави во опасност и ја отстрани заканата што постоеше за другите, без да размислува за ризиците за себе… Таа храброст беше извонредна што ја видовме вчера“, додаде тој.

Трговскиот центар денеска ќе остане затворен и со денови ќе биде активно место на злосторството, соопшти полицијата.

ВИДЕО | Напад во шопинг центар во Сиднеј, има мртви, стотина евакуирани