Ибра го напушта Милан – веќе се шпекулира со новиот клуб на Швеѓанецот?
Според италијанскиот медиум „Футмеркато“, Милан нема да го продолжи договорот со Златан Ибрахимовиќ.
Договорот на 41-годишниот шведски напаѓач истекува во јуни, а на Сан Сиро веќе прават планови без својата ѕвезда.
Тој одигра само четири натпревари оваа сезона, по операцијата на коленото мораше да паузира седум месеци.
Сè уште не се знае дали Ибра ќе се пензионира или ќе продолжи да игра, но некои извори пишуваат дека тој е во преговори со Монца, клуб од средината на табелата во Серија А во сопственост на Силвио Берлускони, долгогодишниот претседател на Милан.
Швеѓанецот со „росонерите“ во кариерата успеа двапати да биде шампион на Италија во 2011 и 2022.