И Пленковиќ со порака како Филипче: Полициски час или „затворање” е крајна мерка
Хрватскиот премиер Андреј Пленковиќ денеска изјави дека воведувањето на полициски час, други ограничувачки мерки или ново „затворање на државата” е последно средство, доколку епидемиолошката состојба во земјата ескалира.
Коментирајќи го денешниот рекорден број на повеќе од 1.400 новоинфицирани, Пленковиќ рече дека верува во менталната сила на Хрватот, во неговата будност, сила, одговорност и грижа за другите.
– Еден метод е разумно, рационално гледање на проблемот, преземање на мерки и подигнување на јавната свест за сериозноста на проблемот, тоа е начинот на кој работиме, рече премиерот.
Тој додаде дека рестриктивните мерки доведуваат до негативен економски ефект.