Хорхе Мартин најдобар на спринтот во Сан Марино
Членот на „Прамак Дукати“, Хорхе Мартин е победник на спринтот пред Мото ГП трката за Големата награда на Сан Марино. Мартин на патеката Мизано стигна до својата трета победа сезонава во спринт.
Тој славеше пред возачот на „ВР46“ тимот Марко Бецеки, кој низ целта помина со 1,445 секунда заостанување зад победникот.
Третото место во спринтот го освои актуелниот светски шампион Франческо Бањаја од „Дукати“, кој зад победникот заостана 4,582 секунди.
Во генералниот пласман води Бањаја со 267 бодови, пред Мартин со 222, а трет е Бецеки со 198.
Трката за ГН Сан Марино ќе се вози в недела од 14.00 часот.