Ќофтињата се превкусна мала закуска која се служи во Холандија, каде луѓето вообичаено ги консумираат со кригла пиво.

„Bitterballen“ најчесто се прават од говедско месо, кое се обликува во топчиња и потоа се пржат додека не станат крцкави. По желба, некои готвачи додаваат компири и печурки во смесата.

Потребни состојки:

• 3 лажици путер
• 100 гр кромид
• 100 гр печурки
• 200 гр мелено говедско месо
• 40 гр брашно
• 250 мл млеко
• 400 гр компири
• 2 лажички морско оревче
• 2 лажички сол
• 1 лажичка бел пипер
• 1/2 лажичка шеќер
• 40 гр сирење (чедар)
• масло за пржење
• 2 шолјички лебни трошки
• 3 јајца

Сос:

• 2 лажици мајонез
• 2 лажици чили-сос по избор

Подготовка:

Сварете ги компирите и испасирајте ги во пире.

Растопете го путерот во тава на средна топлина. Потоа, пропржете го сечканиот кромид и додадете ги ситно сечканите печурки. Додадете го меленото говедско месо и пржете го додека не ја изгуби својата розева боја. Додадете го брашното и мешајте додека смесата не се соедини. Полека сипете го млекото и продолжете со мешање додека сосот не стане густ.

Потоа, додадете ги пирето од компири, морското оревче, солта, биберот, шеќерот и ренданиот чедар. Добро измешајте и гответе додека не испари вишокот течност. Исклучете го огнот и оставете ја тавата на страна додека малку да се излади.

Обликувајте топчиња: Земете една лажица од смесата и обликувајте топче. Ставете го во лебни трошки, па во изматените јајца и потоа уште еднаш во лебните трошки.

Загрејте го маслото и пржете ги топчињата во врело масло додека не поруменат и не станат крцкави. Исцедете ги на решетка.

Послужете со мајонез и чили-сос.

Добар апетит!