Хоџа и Нуредини на средба со претставници на турската агенција ТАРСИМ: Воспоставување на систем на земјоделско осигурување

Министерот за земјоделство, шумарство и водостопанство, Арјанит Хоџа и министерот за животна средина и просторно планирање, Насер Нуредини остварија средба со претставници на турската агенција за земјоделско осигурување ТАРСИМ.

На средбата беше презентиран начинот на функционирање ТАРСИМ и беше договорена соработка за техничка помош со која ќе се воспостави земјоделски осигурителен систем во Северна Македонија.

Воедно беше договорено да се формираат работни групи со претставници од двете страни со цел да се започне процес на воспоставување на систем на земјоделско осигурување во нашата држава.

Овој систем ќе понуди долгорочно решение за проблемите што произлегуваат од природни непогоди и климатски промени кои се појаваат во земјоделскиот сектор, но и унапредување на осигурителниот сектор во делот земјоделство во Република Северна Македонија, стои во соопштението.

Видео на денот