Американската актерка Хали Бери (53) се откажа од улогата во новиот филм, во кој требаше да игра трансродов маж.

Таа јавно се извини за нејзината одлука. Ја опиша оваа потенцијална улога како „лик во кој жената е транс-карактер, односно жена која транзитирала во маж“.

„Кога режисерите за улогите на трансродовите луѓе на аудицијата бараат обични актери, тоа остава погрешен впечаток на публиката, а автоматски се уништува приликата за кариера на некој транс-актер“, наведе Бери со вклучување во живо на својот инстаграм-профил.

Нејзините зборови веднаш станаа вирални, што доведе до тоа Бери да ја откаже улогата во филмот. Сличнa ситуација имаше Скарлет Јохансон, која на истиот начин се повлече од улогата на транс маж минатата година.

pic.twitter.com/qpE8Tw1Xmu

— Halle Berry (@halleberry) July 7, 2020

Бери слушанала разни критики пред да ја донесе одлуката и го објави извинувањето на Твитер, наведувајќи дека веќе не размислува да ја прифати улогата.

„Сега разбирам дека воопшто не требаше да размислувам за оваа улога“, напиша Бери, која веќе се подготвуваше за филмот, но официјално не го потпиша договорот.

Овој нејзин потег може да ги охрабри сите филмски продуценти да имаат различни критериуми, за во иднина да направат повнимателен избор на актери за ваквите улоги.