Напаѓачот на Манчестер сити, Ерлинг Халанд, е прогласен за најдобар фудбалер во Премиер лигата за месец септември, објави денеска веб-страницата на натпреварувањето.

Норвежанецот постигна пет гола и имаше една асистенција во три натпревари во септември, со што ја освои својата четврта награда за играч на месецот во Премиер лигата.

Сити во тој период забележа две победи против Манчестер јунајтед и Барнли и едно реми со Арсенал, и моментно е петти во генералниот пласман во Премиер лигата со 13 бода.

Менаџерот на Кристал палас, Оливер Гласнер, е прогласен за менаџер на месецот во Премиер лигата за септември.

Кристал палас минатиот месец оствари две победи против Вест хем и Ливерпул и ремизираше со Сандерленд, и сега е на шестото место на премиерлигашката табела со 12 бодови.