Пеп Гвардиола откако седи на клупата на Манчестер сити, највеќе пари потроши на реновирање на одбраната, а само на купување фудбалери кои играат штоперската позиција фрли 200 милиони долари.

Досега Гвардиола ги купи Ејмерик Лапорт за 65 милиони евра, Џон Стоунс за 55.6 милиони евра, Николас Отаменди за 44.5 милиони со што дојде до бројката од 165 милиони, а сè уште одбраната не е на нивото на таа на Ливерпул.

Поради тоа Гвардиола веќе тргна во нов шопинг и според „Гардијан“ го договори трансферот на штоперот на Борнмут, Нејтан Аке за кого ќе плати 38.75 милиини евра со што ќе ја надмине границата од 200 милиоини евра фрлени само за стопери.

Аке има одлична сезона во Борнмут и веќе го привлече вниманието на најдобрите англиски екипи. Иако се мислеше дека во во пол позиција се Манчестер јунајтед и Челси, Гвардиола и неговиот Манчестер сити најбрзо реагираа и според весникот, тие одлучија да ја платат сумата која ја бара Борнмут и се очекува по крајот на сезоната овој трансфер да се официјализира.