Гвардиола: Во ниту еден момент не мислев дека ќе победиме, Лајпциг никогаш не се откажува
„Граѓаните“ доста убедливо со висок резултат 6:3 на домашен стартуваше успешно со триумф над Лајпциг во првото коло од Лигата на шампионите.
Англичаните одиграа еден возбудлив натпревар против Германците на стартот од елитното европско натпреваруваање, а менаџерот на премиерлигашкиот шампион, Пеп Гвардиола, истакна дека во ниту еден момент не беше сигурен во победа над бундеслигашот:
– Лајпциг е тим кој никогаш не се откажува. Тие напаѓаат постојано, одат на сè или ништо. Во ниту еден момент не мислев дека го решивме натпреварот. Добро е што постигнавме голови брзо откако примавме и со тоа го спречивме ривалот посериозно да се закани – рече Гвардиола.
Сити својот следен предизвик ќе го има на домашната сцена против составот на Саутемптон:
– Во последните три натпревари на домашен терен постигнавме 16 голови. Би сакал повеќе луѓе да присуствуваат на следниот меч. Саутемптон доаѓа кај нас, кој е многу опасен. Ги поканувам сите фанови да дојдат и да нè поддржат – додава Шпанецот.