Гренел поднесе оставка од амбасадорското место во Германија, Трамп му подари фотеља
Гренел е поставен за посредник меѓу Белград и Приштина, а веднаш по именувањето издејствуваше договор за обнова на железничкиот сообраќај.
По неколку најави и демантирање на истите, Ричард Гренел и официјално поднесе оставка на местото амбасадор на САД во Германија, објави Дојче Веле.
„Амбасадорот Гренел поднесе оставка на 1. јуни“, рече портпаролот, пренесе ДВ.
Гренел на својот Инстаграм налог објави дека поднел оставка.
Откри дека при заминувањето од Стејт департментот претседателот на САД Доналд Трамп му ја подарил својата кабинетска фотеља.
Гренел е поставен за посредник меѓу Белград и Приштина, а веднаш по именувањето издејствуваше договор за обнова на железничкиот сообраќај.
Уште тогаш се говореше за тоа дека енергичниот бирократ би можел да добие уште позначајна улога и дека „го надминал“ своето место на амбасадор во Берлин.
