Грен слем податок кој вели дека Ѓоковиќ е најдобриот на сите времиња!
Со пласманот во финалето на Ролан Гарос, најдобриот тенисер во светот Новак Ѓоковиќ влезе во историјата на грен слем натпреварувањето и дефинитивно покажа дека е најдобар на сите времиња.
Српскиот ас е првиот тенисер кој има шест или повеќе финалиња на сите грен слем турнири и го престигна Швајцарецот Рожер Федерер, кој остана на второто место на оваа листа.
Ноле играше деветпати во финалето на „Австралија опен“, осумпати на „УС Опен“, шестпати на „Вимблдон“, додека во недела ќе биде на теренот во Париз по шестипат во битката за трофејот. Потсетување дека негов ривал во финалето во францускиот главен град ќе биде Гркот Стефанос Циципас.
Федерер беше 12 пати во финалето на „Вимблдон“, седум на „УС Опен“ и „Австралија Опен“, додека во Париз петпати беше финалист и еднаш победи. Што се однесува до Надал, тој петпати играше финале во Мелбурн, Њујорк и Вимблдон, додека на „Ролан Гарос“ е апсолутен рекордер со 13 финалиња.
🇷🇸 Novak Djokovic is the only player all time to have collected at least 6 finals in all 4 Slams#RolandGarros pic.twitter.com/hVVas2PnHH
— TennisMyLife (@TennisMyLife68) June 11, 2021
Во трката за најдобар на сите времиња помеѓу Ѓоковиќ, Федерер и Надал зборуваше и тенискиот аналитичар Матс Виландер:
– Новак може да го освои 19-от грен слем после Париз, а по „Вимблдон“ можеме да имаме тројца играчи со 20 грен слема. Мораме да започнеме да зборуваме околу најдобриот на сите времиња – рече Виландер.