19 C
Скопје

Грција го продолжи карантинот и „полицискиот час“ до 5 април, Владата воведува „self testing”

Актуелните рестрикции во Грција, односно карантинот, „полицискиот час“ и посебните мерки за црвената и за темноцрвената зона, се продолжени за уште една седмица, односно до 5 април, како што беше соопштено попладнево на редовната прес-конференција за ситуацијата со пандемијата во земјата, јави дописничката на МИА од Атина.

Заменик-министерот за цивилна заштита на Грција, Никос Хардаљас рече дека кон средината на следната седмица надлежната комисија на епидемиолози ќе ја разгледа можноста за отворање на малопродажбата, училиштата, како и да се дозволи движење на граѓаните од една во друга општина.

Важно „оружје” во отворањето на активностите, како што рекоа и Хардаљас и алтернативниот министер за здравство на Грција, Василис Кондозаманис, ќе биде можноста граѓаните сами, во нивните домови да се тестираат, односно преку т.н. „self testing”.

Кондозаманис, на денешната прес-конференцијата објасни дека од почетокот на април, тестовите бесплатно ќе бидат достапни за граѓаните преку аптеките, по еден тест седмично во период од два месеца, а во првата фаза се разгледува можноста приоритет да имаат лицата до 67 години, односно економски активните граѓани.

Во случај на позитивен резултат, ќе треба да се пријави на специјална платформа и ќе се прави дополнителен тест за проверка, додека пак во следниот период ќе има детални протоколи за начинот на употреба.

Алтернативниот министер за здравство на Грција рече дека за постепено отпочнување на економската активност во земјата, вработените во поморството, малопродажбата, во големите компании, во туризмот, во угостителството и судството, задолжително ќе треба да прават брзи тестови еднаш седмично.

Паралелно, Владата, според Кондозаманис, ќе донесе законска одредба за задолжителна употреба на „self testing”, еднаш седмично за просветните работници и учениците, за безбедно отворање на училиштата.

За останатите граѓани, тестовите за домашна употреба нема да бидат задолжителни.

Новиот вид тестови, во комбинација со процесот на имунизација според грчката Влада ќе овозможат полесно отворање на земјата.

Грција од 7 ноември 2020 година е во карантин и со воведен полициски час, со исклучок на мали временски периоди кога постоеше олабавување на мерки, додека пак областа Атика, поширокиот регион на Атина во строг карантин е од 11 февруари.

Од минатиот викенд, „полициски час“ во целата земја е од 21 наместо од 19 часот, а во понеделникот се отворија археолошките локалитети и фризерските и козметичките салони.

Поврзани вести

Започна средбата помеѓу Пендаровски и Мицкоски

Слободен печат

Филипче: Нема ништо тајно и сомнително при набавката на кинеските вакцини

Слободен печат

Заев очекува Косово да го испочитува меѓународното право и да го екстрадира Африм Исмаиловиќ

Слободен печат

Германија ќе ја препорача вакцината на Џонсон и Џонсон за лица постари од 60 години

МИА Агенција

Заев: Дигитализацијата е давање шанса на развојот, учебници ќе има

Слободен печат

Муслиу за СП: Македонија може да стане и членка на САД, имаме опции кон Западот

Остави Коментар