Со победата над Тејлор Фриц (6:4, 6:3) Новак Ѓоковиќ се пласираше во полуфиналето на Мастерс турнирит во Париз каде против Хубер Хуркач ќе се бори за место во големото финале.

После мечот српскиот ас кажа дека се чувствуваше добро со оглед на тоа што ова му беше само втор меч по речиси двомесечна пауза.

– Има работи на кои можам да бидам среќен. Во полуфинале сум, морам да бидам среќен, но свесен сум дека мора да напредувам во одредени аспекти – рече Ѓоковиќ по победата над 26. тенисер во светот.

Србинот има можност да го обезбеди првото место во Париз на крајот на годината, рекордно седми пат и со тоа да го направи актуелниот рекорд по бројот на недели на врвот уште поимпресивен.

– Тоа е главната причина зошто дојдов овде, за да го обезбедам првото место на крајот на годината. Се надевам дека ќе успеам во тоа оваа недела. Доколку не, тогаш ќе имам шанса во Торино – вели Ѓоковиќ.