Гитара на Џон Ленон, еден од четворицата членови на легендарната група „Битлси“, вчера беше продадена на телефонска аукција во Њујорк за рекордни 2,67 милиони евра, што ја прави најскапиот инструмент на групата што некогаш бил продаден на аукција.

Претходната рекордна продажба беше на акустичната гитара на Ленон, која беше продадена за 2,21 милиони евра на аукција во Калифорнија во 2015 година, објави „Би-би-си“.

Гитарата на Ленон, која беше изгубена повеќе од 50 години, беше продадена на телефонска аукција во кафулето „Хард Рок“ во Њујорк.

Ленон свиреше на таа гитара со 12 жици за време на снимањето на албумот „Help!“ од 1965 година, а пронајдена е на поткровје на куќа во Велика Британија кога сопствениците се подготвувале да се преселат, пренесува „Ројтерс“.