Германски рецепт за варено вино: Една состојка му дава посебен шмек
Вареното вино е една од првите асоцијации на удобна атмосфера во текот на зимските денови. Со помош на неколку трикови, можете да го добиете совршениот вкус.
За денеска ви препорачуваме варено вино по германски рецепт, со додаток на портокал. Се додаваат и ароматични зачини како каранфилче, цимет и анасон.
Состојки:
– 1 шише црвено вино
– 2 лажици рум
– 2 портокали исечени на парчиња
– сок од 2 портокали
– 5 цветови од каранфилче
– 2 стапчиња цимет
– 2 ѕвездест анасон
– 1/2 шолја кафеав шеќер
Подготовка:
Во тенџере сипете црвено вино, рум, додадете ги парчињата портокал, сокот од портокал, па зачините – цимет, цветови од каранфилче, анасон и кафеав шеќер. Добро измешајте, па загрејте ги сите состојки на тивок оган. Вареното вино процедете го, па послужете го топло.