Коронавирусот се шири со голема брзина и поради тоа се прекинати спортските натпреварувања ширум светот, но во некои држави сметаат дека моментно тоа не е неопходно.

Во Белорусија како што и веќе е познато, започна новата сезона во тамошниот фудбалски шампионат. Таа е единствената европска држава каде што моментно се игра фудбал.

Карло Бручиќ, хрватскиот фудбалер и член на Динамо Минск, кој во првото коло е поразен од Рух Брест, во изјава за „RTL“ сподели неверојатни детали и совети кои ги добила екипата.

– Имаше неколку илјади луѓе на трибините, не се плашат, во државата е стабилна состојбата, има 76 заразени (15 излечени). Претседателот (Александер Лукашенко) ни рече да пиеме вотка секој ден, одиме во сауна и дека тоа ни помага во борбата со коронавирусот – вели Бручиќ.

Хрватот е убеден дека нема да дојде до одложување на фудбалските натпревари во Белорусија, но и дека постои страв.

– Првенството нема да се одложи, нормално тренираме во базата. Секојдневно се сретнувам со 39 играчи кои кој знае каде одат, секогаш ми е во потсвеста „што доколку се заразам, каде беа тие“ и слично. Сепак, мислам и доколку се одложи првенство не би заминал дома – додаде Бручиќ.