ФОТО+ВИДЕО | Скока во ледена вода два пати на ден: Стана Интернет ѕвезда поради своето необично хоби!
Елина Макинен од Финска деновиве е ултра популарна на социјалните мрежи благодарение на нејзиното необично хоби. Веројатно претпоставувате колку се студени зимите во Финска, но судејќи по видеата што 28-годишната Елина ги споделува на социјалните мрежи, се чини дека тоа воопшто не ѝ претставува проблем.
View this post on Instagram
Оваа девојка секојдневно објавува видеа на кои покажува како го крши мразот, а потоа се спушта во ледената вода и плива.
View this post on Instagram
Таа верува дека оваа активност е добра за нејзиното здравје и прави да се чувствува подобро и психички и физички. Во последните 10 години плива во ладна вода два пати на ден.
View this post on Instagram
Ова хоби ја претвори Елина во интернет-сензација, а нејзините видеа бројат милиони прегледи. На некои од нејзините попопуларни видеа може да се види дека таа користи специјални сечила или други предмети за да направи дупка во мразот и да скокне во леденото езеро.
„Знам дека моето скокање во замрзнато езеро е чудно за другите луѓе. Сепак, тоа е сосема нормално во мојата земја“, вели оваа решителна девојка.
View this post on Instagram
Додека некои се восхитуваат на нејзината храброст, други го гледаат ова хоби како, „тотално лудило“.
„Кога ги гледам твоите видеа буквално умирам од студ. Како не се плашиш од хипотермија? Ова е навистина лудо“, коментираше една корисничка.
View this post on Instagram
Сепак, Елина вели дека нејзиното тело се навикнало на студот и дека првпат скокнала во студената вода кога имала само пет години.
„Целото мое семејство практикува капење во ладна вода, тоа е наша семејна активност“, рекла Елина. „Пливам наутро и тоа ми помага за циркулацијата, а потоа одам и на ноќно капење и на тој начин се ослободувам од стресот“, открила таа.
Елина обично поминува меѓу 30 секунди и шест минути во вода, а повремено оди на пливање и до 12 минути.
„Кога температурата ќе падне под -25 степени, морам да внимавам да не добијам смрзнатини“, вели таа.
View this post on Instagram
Колку и да зборува за придобивките од пливањето во ладна вода, Елина предупредува дека оваа активност не е за секого.
„Пливањето во толку ладна вода може да биде фатално за некои луѓе, а во ретки случаи може да доведе до тетанија, состојба во која срцето замрзнува и престанува да работи. Дефинитивно треба да се познавате себеси и своето тело“, заклучила Елина Макинен.