ФОТО+ВИДЕО | Пристигна божиќната магија во Њујорк: Блесна најубавата празнична елка во светот
Синоќа голем број луѓе се собраа во центарот на Менхетен, за да уживаат во осветлувањето на божиќната елка во центарот „Рокфелер“, со што официјално започна празничната сезона во Њујорк.
Годинашното дрво е високо 24 метри и е украсено со преку 50 илјади светилки во различни бои и голема ѕвезда со кристали на „Сваровски“.
Двочасовната церемонија беше емитувана во живо на телевизијата „Ен-Би-Си“, а водителка на настанот беше американската пејачка Кели Кларксон. Покрај нејзиниот настап, топлата луѓе уживаше во настапите на Шер, Бери Манилоу, Роб Томас, Клои Бејли, Адам Блекстоун, Дејвид Фостер, Карли Пирс и многу други.
Традицијата на поставување елка пред центарот „Рокфелер“ датира од времето на изградбата, кога работниците украсиле шестметарска елка за време на бадниковата вечер во 1931 година. За украсување користеле брусница, хартиени венци и неколку лимени конзерви. Оттогаш, поставувањето на елката стана годишна традиција.