ФОТО+ВИДЕО | Музика, екстравагантна торта и гости од естрадата: Мартија Станојковиќ го прослави полнолетството
Македонската пејачка Мартија Станојковиќ стана позната по учеството во музичко талент шоу „Ѕвездичките на Пинк“. Тогаш малата и слатка Мартија која имаше 12-13 години, го освои второто место. Во 2016-та година ја претставуваше Македонија на Детскиот избор за песна на Евровизија, а вчера наполни 18 години и официјално им се придружи на возрасните.
View this post on Instagram
По повод јубилејниот 18-ти роденден ги покани своите најблиски пријатели, роднини и колеги од естрадата – Антониа Гиговска, Иван Јованов од „Либеро бенд“ и Мина Блажев, кои се фатиле на микрофонот, на забава за паметење во ресторан во Куманово.
За пречек на полнолетството Мартија облече тесен фустан во мастилна боја кој го надополни со сребрени аксесоари.
Славеничката доби многу честитки и ги дувна свеќичките од торта на три ката.