ФОТО+ВИДЕО | „Кинеската Атлантида“ сè уште ги збунува научниците: Целосно е зачувана на дното на езерото, на длабочина од 40 метри
Градот, потонат во 1959 година, бил основан помеѓу 25. и 200. година, ѕидовите биле од 16. век, a имал пет влезни порти.
Потонатиот град во Кина, познат и како „Кинеска Атлантида“, е целосно зачуван на дното на езерото Чингао, на длабочина од 40 метри. Градот е познат и како Ши Ченг или Градот на Лавовите, се наоѓа на истокот на Кина, објави порталот на Индипендент „Инди 100“.
Kинеските научници повторно го откриле во 2001 година, а во 2017 година е отворен како туристичко место.
Се претпоставува дека Ши Ченг бил изграден во текот на династијата Хан, во периодот помеѓу 25. и 200. година од нашата ера. Некогаш бил политички и економски столб на источната провинција Жеџијанг.
Градските ѕидини, за кои се верува дека датираат од 16. век, имале пет влезни порти, за разлика од традиционалните четири во старите кинески градови, а широките улици содржат 265 премини со сводови со камени ѕидови од змејови, феникси и лавови. Оваа енигматична „временска капсула“ ја краси Лавиринтот на белите храмови, спомен-сводовите со разни скулптури од лавови до елени, фенхуан (азиска варијанта на птицата феникс) до чилин (митско кинеско суштество со рогови), зачувани се и дрвени греди и скали, како и поплочени патишта и историски натписи.
Shi Cheng is thought to have been built during the Eastern Han Dynasty between 25AD and 200AD.
However, in 1959, the Chinese government decided to build a hydroelectric power plant in the area and, somewhat shockingly, decided to flood the city to do it.https://t.co/VVeDNoyqSj— Mayte Chummia (@Maytechummia) November 25, 2023
Кинеската влада во 1959 година одлучила да изгради хидроцентрала во таа област, а потоа, неочекувано, одлучи да го потопи градот.
Lost Underwater Lion City – Rediscovery of China’s ‘Atlantis’ more info : https://t.co/18W6WaBdZf pic.twitter.com/VwRIc6Rram
— Reg Saddler (@zaibatsu) October 31, 2013
Тогаш биле раселени повеќе од 300.000 луѓе. Најчудно е што градот е недопрен како во периодот кога беше поплавен, пренесува „Спутник“.
Интересот за поплавениот град дополнително се зголеми во 2011 година, кога кинеското издание на магазинот „Национална географија“ објави неколку неверојатни фотографии и илустрации, дотогаш невидени.
