ФОТО + ВИДЕО | Возач на Формула 1 продава календар со фотографии од неговиот гол задник
Возачот на Формула 1, Валтери Ботас, собра 150.000 долари за добротворната организација за машко здравје „Мовембер“, откако бил распродаден календарот „Bottass 2024“, со фотографии од неговиот гол задник, пишува „Гардијан“.
Почетниот контингент од календарот, од 10.000 примероци, од кои по пет евра оделе за истражување на ракот на простата, брзо бил распродаден.
October, November and December of BOTTASS 2024 🍑
5$ of each sale of the calendar goes to @Movember and prostate cancer research. Only few days left – calendars are about to be sold out!
Get your calendar now:https://t.co/U9ShR9vlJy pic.twitter.com/Pveex55NNJ
— Valtteri Bottas (@ValtteriBottas) November 27, 2023
„Ви благодариме многу за вашата поддршка во ноември. Заедно со донации и календари собравме значителна сума за @Movember“, објави Ботас преку социјалните мрежи во четвртокот.
„Конечните бројки ќе бидат пресметани во наредните денови, но зборуваме за 150.000 долари собрани средства“, додаде тој.
Ботас ја добил идејата за календарот откако неговата партнерка Тифани Кромвел го фотографирала како лежи гол во потокот во Аспен. Таа фотографија брзо стана хит на социјалните мрежи, односно на Инстаграм и брзо беше продадена во хуманитарни цели.
„Луѓето ме прашуваа „Зошто го направи тоа? Зошто сакаш да го покажеш својот задник? Но, кога го објаснив добротворниот аспект, луѓето го сфатија тоа. Многу се забавувавме правејќи ги тие фотографии“, изјавил Ботас.