ФОТО+ВИДЕО: Виена под полициска опсада по терористичкиот напад – еден терорист убиен, другиот е во бегство
Австриските власти се уште не дадоа точна информација колку загинати има, а колку повредени во пукањето вечерва во центарот на Виена.
Министерот за внатрешни работи на Австрија Карл Нехамер го опиша инцидентот како терористички напад и рече дека еден од напаѓачите загинал, додека другиот е во бегство. Во тек се операции на безбедносните сили, објави Би Би Си.
Footage of one the terrorists with a gun running through the streets of #Vienna firing an assault rifle.pic.twitter.com/6ciJ3RzBEz
— NewsBlog | breaking (@NBbreaking) November 2, 2020
Инцидентот се случи на централниот плоштад Шведенплац.
Полицијата ги повика граѓаните на Виена да ја избегнуваат областа и да не користат јавен превоз.
Блокади се поставени околу центарот на градот. Различни снимки објавени на социјалните мрежи покажуваат како луѓе бегаат додека се слушаат истрели во позадината.
BREAKING: Interior Minister of #Austria says shootings & hostage taking across #Vienna part of coordinated terrorist attack. pic.twitter.com/WxxCl4LPRV
— SV News ? (@SVNewsAlerts) November 2, 2020
„Во моментов може да потврдиме дека се работи за терористички напад“, изјави министерот за внатрешни работи Карл Нехамер за австриската телевизија ОРФ.
Министерот изјави дека неколку лица загинале, а повеќе се повредени меѓу кои е и еден полицаец.
Police #Vienna storming several restaurants to find terrorists attacking the city centre. Reports of at least 7 dead and many wounded. pic.twitter.com/jM9hvw81PX
— NewsBlog | breaking (@NBbreaking) November 2, 2020
Според првичните информации пукањето се случило во уличка во близина на синагогата.
Active shooter at a synagogue in Vienna. pic.twitter.com/TLiBlzuLAx
— Ian Miles Cheong (@stillgray) November 2, 2020
Лидерот на еврејската заедница во Виена Оскар Дојч твитна дека е нејасно дали виенската синагога е мета на нападот или во тоа време била затворена.
Очевидци за телевизијата ОРФ изјавиле дека мислеле дека се слушаат петарди и отпосле сфатиле дека се работи за истрели од огнено оружје.
Полицаец кој ја чувал синагогата е повреден, пренесе весникот Кронен Цајтунг.
