На задоволство на обожавателите, Ријана сподели фотографии на инстаграм-профилот со новата колекција на долна облека. Пејачката и претприемач ги покажа своите раскошни облини додека ја промовираше сопствената колекција на градници, долна облека и облека за спиење.

На фотографиите Ријана се лежи на хотелски кревет со чаршафи и перници од нејзиниот бренд. Пејачката позира додека потпишува огромна хотелска сметка на сребрен послужавник.

„Толку долга сметка…Стави ја на друга соба“, напиша таа покрај фотографиите.

Многумина беа восхитени како таа изгледа само 7 месеци по породувањето, но пејaчката доби и критики од своите следбеници кои ѝ порачаа дека го чекаат нејзиниот нов албум.

„Никогаш не си изгледала подобро“; „Ти си супер!“; „Дали јас сум единствениот што ја зголеми фотографијата и сметката е 45 илјади долари?“; „Нејзиниот список на изговори за тоа што нема албум“; „Девојко, ајде сега да одиш во студио“, беа дел од коментарите.

За потсетување, пејачката и нејзиниот долгогодишен партнер раперот Ејсап Роки се родители на синовите РЗА (22) и Рајот (7 месеци). Ријана и Ејсап, чие вистинско име е Раким Мајерс, беа пријатели долги години и работеа заедно пред да се заљубат и да основаат семејство пред четири години.

ФОТО | Ријана е непрепознатлива: Пејачката драстично го промени имиџот